oýlamak

işlik

[o:ýlamak]

1) Bar ünsüňi gönükdirmek, bir zat barada pikir etmek, pirirlenmek.

∙ Adamlar! siz oýlap görüň: patyşadan işçi razymy? --Ýok! (B. Kerbabaýew, Aýgytly ädim)

∙ Hawa, başlyk, ýaňy maňa: --bir ýana gezmäge gideli! -- diýdi weli, şoňa gitsemmikäm-gitmesemmikäm diýip oýlap durmuş. (B. Kerbabaýew, Aýsoltan)

∙ Şu beýik maşgalada özüniň nähili derejede orun tutandygyny oýlar. (A. Gowşudow, Eserler)

2) Çak etmek, paýhas etmek, çaklamak.

∙ Myrat öz ýanyndan: --indi bir çen boldy! -- diýip oýlan bolsa gerek. (A. Gowşudow, Powestler we hekaýalar)

◊ oýlap taplamak — Döredijilikli işläp, täze bir zat döretmek, täze bir oýlap çykarmak.

∙ Täze eranyň II asyrynyň başynda Hytaýda kagyz oýlap tapypdyrlar. (Gadymly Dünýä Taryhy)